Аўтар(к)ам

Выдавецтва „Скарына“ знаходзіцца ў Вялікабрытаніі — далёка ад Беларусі і большасьці краінаў, дзе нашыя суродзічы цяпер жывуць у значнай колькасьці. Таму мы робім і распаўсюджваем кнігі крыху інакш. Гэта можа выдатна пасаваць адным аўтарам, і зусім не — іншым.

Нам цікавая перадусім навуковая, навукова-папулярная, мастацкая літаратура і паэзія. Нам асабліва цікава ўсё, што мае дачыненьне да стваральнай дзейнасьці беларускай эміграцыі.

Мы возьмемся за тыя кнігі, у якія ў нас будзе вера і на якія ў нас ёсьць сілы. Ёсьць багата цудоўных твораў і цэлыя жанры, якія па-за абшарам нашай экспэртызы. Напрыклад, дзіцячыя кніжкі. Іншыя выдавецтвы ў такіх выпадках зробяць лепшую за нас працу.

„Скарына“ не публікуе кніг на замову, але мы ведаем, хто дапаможа з гэтым.

Беларускі кніжны рынак параўнальна маленькі, таму многія кнігі мусяць мець прынамсі частковае фінансаваньне. Разам з вамі мы знойдзем аптымальны варыянт.

Мы, канешне ж, дасылаем дармовыя аўтарскія асобнікі і можам прапанаваць аўтарам неабмежаваную колькасьць асобнікаў з значнай зьніжкай.

Калі вы думаеце, што мы — правільнае для вас выдавецтва, то напішыце нам на электронны адрас: info@skarynapress.com.