Зніжаны кошт папярэдняй замовы дзейнічае да 7 красавіка. Дата выхаду ў друкаваным і электронным фарматах — 18 красавіка.
Калектыўная манаграфія “Беларусь у ХХІ стагоддзі: паміж дыктатурай і дэмакратыяй” выйшла ў 2023 г. па-ангельску ў Лондане. Гэтая кніга прэтэндуе на ўсёабдымны агляд нядаўніх падзей у Беларусі. Яе аўтары даследуюць, чаму і як народ узняўся дзеля ідэі, што Беларусь мае змяніцца. Паказана, як стары рэжым, прагны захаваць савецкую спадчыну, неахвочы да рэформ і марудлівы ў змаганні з пандэміяй COVID-19, на фоне пагаршэння эканамічных умоў сутыкнуўся з ростам грамадскай мабілізацыі — і вертыкальнай (знізу ўгору), і гарызантальнай. Удзельнікі гэтага руху патрабавалі трансфармацыі адносін паміж дзяржавай і грамадствам, выпрацоўваючы новае разуменне беларускай народнай суб’ектнасці.
Падрабязней: https://knihi.skarynapress.com/knihi/bielarus-xxi-stahoddzie
246 стар., мяккая вокладка.
