Водгук з сайта выдавецтва:
Атрымала пазл на дзень народзінаў… доўга прымяралася да яго, усё ж такі 1000 кавалкаў! Але потым падрыхтавала кардонку 50х70 і шаленства пачалося! :)) Пакуль складвала, даведалася шмат новага пра тыя часы, пра бітву, пра строі – бо разгледзеўшы нарэшце дэталі гэтай магічнай карціны, карцела даведацца, што там увогуле такое адбываецца. Увесь час балела за нашых 🙂 Што ў выніку? Цяпер абранае і аздобленнае ў рамку “палатно” стаіць на пачэсным месцы, вывучаем яго час ад часу. Сабіраць было прыемна, бо якасць выканання пазлу – дужа высокая: кавалачкі не расцярушваюцца на слаі, колеры на скрыні-падказцы і самім пазле – аднолькавыя, што моцна спрашчае справу і пазбаўляе непатрэбных злых эмоцый :). Карацей – раю ўсім купляць сабе і ў падарунак. Чакаю на новыя шэдэўры! (Chippollino – November 30, 2023)
