Description
Silva Rerum — па-лацінску «лес рэчаў», папулярны ў XVI–XVIII стст. сярод літоўскай і беларускай шляхты жанр, «сямейная кніга», якая перадавалася з пакаленьня ў пакаленьне, дзе запісваліся важныя жыцьцёвыя падзеі. Дзея першай часткі адбываецца ў 1659–1667 гг. у Вільні і ў далёкім жамойцкім двары, сядзібе шляхецкага роду Нарвойшаў.
Цыкль гістарычных раманаў «Silva rerum» доктаркі мастацтвазнаўства Крысьціны Сабаляўскайце — адна з самых значных падзей у літоўскай літаратуры апошніх дзесяцігодзьдзяў, якая атрымала ўвагу і прызнаньне ў Літве і за мяжой. У Латвіі раманы «Silva rerum» былі абраныя ў спіс 100 самых любімых кніг латышоў усіх часоў. Пасля публікацыі ў Польшчы першы раман цыклю стаў бэстсэлерам, а ў 2016 г. выйшаў у фінал прэстыжнай цэнтральнаэўрапейскай літаратурнай прэміі «Angelus». Літоўскія чытачы, выбіраючы ў 2018 г. сто кніг стагодзьдзя, прысудзілі «Silva rerum» трэцяе месца.
***
«Выдатна напісаны, маркесаўскі раман, дзея якога адбываецца ў Літве XVII стагодзьдзя і які разам з тым нагадвае, што гісторыя Цэнтральнай Эўропы — гэта наш агульны наратыў» (Вольга Такарчук)
«Крысціна Сабаляўскайце сёньня — адна з самых значных аўтарак гістарычнага раману сучаснасьці» (Фляран Жаржэско, Le Monde)