Description
Ласкава запрашаем у неласкавыя ўскраіны Магілёва сярэдзіны 80-х! Нармальныя пацаны і нефармалы, свой раён і чужы, хаза і хабза, дыскач і апорка, Гарбачоў і Рэйган, будзённае жыццё і раптоўная смерць… Тут набор пірожных «Несталічны» ад першага пакалення беларускіх гопнікаў. Уладзімір Казлоў, унікаючы любасці/нянавісці, хутчэй адстаронена, выяўляе сваё юнацтва, пакідае будучаму пакаленню амаль што антрапалагічны атракцыён у форме раманеты.
Гэтую кнігу не варта чытаць людзям, чулым да ненарматыўных выразаў і апісання брутальных сцэн.
Кніга, якая ў пачатку 2000-х мела поспех у розных краінах былога СССР, цяпер атрымала беларускае выданне. Аўтар адзначае, што раней не бачыў сэнсу ў перакладзе, бо большасць беларусаў чыталі па-руску. Аднак пасля падзей 2020 года і росту цікавасці да беларускай мовы ён адчуў сваю “беларускасць” і вырашыў зрабіць крок да новага чытача. Цяпер “Гопнікі” будуць успрымацца як беларуская кніга беларускага аўтара.
Логвінаў, 2025. Мяккая вокл., 207 с.
