Description
Анталогія эсэ “Іду да вас, людзі” прысвечаная тэме суседства ў шырокім і вузкім сэнсе. У гэтай кнізе вы знойдзеце эсэ васямнаццаці сучасных беларускіх аўтарак, тых, што застаюцца ў Беларусі і тых, каму пасля 2020 года давялося выехаць і жыць за яе межамі.
Пісьменніцы разважаюць пра тое, як мы пачуваемся сярод людзей іншых культур альбо падобных да нас, як мы бачым адно аднога і ўзаемаўплываем адно на аднога, што дзякуючы суседству даведваемся пра культуру зносін і побыту, пра сваю ідэнтычнасць асобы, якая гадавалася ў Беларусі.
Як знак нашага часу і палітычнага крызісу ў краіне, некаторыя пісьменніцы з прычыны бяспекі публікуюцца пад псеўданімамі, біяграфічныя звесткі пра іх у гэтым зборніку, на жаль, адсутнічаюць.
Аўтаркі:
Юля Арцёмава, Таня Арцімовіч, Тафіля Багач, Віка Біран, Ліна Брык, Ева Вежнавец, Вольга Валошкіна, Стэфа Лісоўская, Наста Захарэвіч, Югася Каляда, Зараслава Камінская, Марыя Лапо, Мілана Лявіцкая, Марыя Пархімчык, Ксенія Май, Юлія Чарняўская, Вольга Шпарага, Ганна Янкута
Пфляўмбаўм, 2025. 294, мяккая вокл.
