Description
Зборнік з дванаццаці віктарынаў, кожная зь якіх зьмяшчае 33 пытаньні пра беларускую культуру, гісторыю, веру і навакольны сьвет.
Кніга пачала стварацца ў ліпені 2020 году, калі аўтар знаходзіўся ў карцары ізалятара на Акрэсьціна. Падчас зьняволеньня Севярынец прыдумляў пытаньні для віктарынаў і перадаваў іх сваёй сям’і ў лістах. Празь пяць гадоў гэтыя развагі ператварыліся ў кнігу.
Зборнік ахоплівае сусьветную культуру, навуку, кіно, спорт, музыку, архітэктуру, геаграфію, палітыку, эканоміку і Біблію. Ён запрашае чытачоў адкрываць для сябе Беларусь, паглыбляць веды і разважаць пра ўласную ідэнтычнасьць.
«Соль зямлі» — больш чым кніга пытаньняў і адказаў. Яна заахвочвае чытачоў задумацца пра тое, што значыць быць добрым беларусам і добрым чалавекам.
2026. Цьвёрдая в., 101 с.
