Адносіны паміж Германіяй і Беларуссю ў 1916-1925 гадах / Маціяс Дорнфельт, Энрыка Зэевальд

Description

Гэтае выданне з’яўляецца перакладам першага апісання афіцыйных кантактаў паміж Германіяй і Беларуссю з 1916 па 1925 г., якое выйшла на нямецкай мове. На аснове архіўных матэрыялаў, большая частка якіх раней не публікавалася, у кнізе адлюстравана ўспрыманне германскімі ўладамі беларусаў і Беларускай Народнай Рэспублікі ад моманту яе ўтварэння ў 1918 г. да роспуску ўрада БНР у эміграцыі ўкастрычніку 1925 г. Кніга заканчваецца Пагадненнем ад 13 сакавіка 1992 г. аб устанаўленні дыпламатычных адносін паміж Федэратыўнай Рэспублікай Германія і Рэспублікай Беларусь. Факсіміле некаторых ключавых дакументаў, здымкі ўдзельнікаў тагачасных падзей і месцаў, дзе яны адбываліся, надаюць апісанню двухбаковых адносін на гэтым раннім этапе асаблівую яскравасць і выразнасць.
Рэдактар: Голубеў Валянцін
Перакладчык: Паўлавіцкі Сяргей