Кнігі Якуба / Вольга Такарчук
£22.00
Эпічная гістарычная фрэска, якая праз лёс рэальнага авантурыста і месіянскага лідара Якуба Франка пераплятае містыку, палітыку і культуру Еўропы XVIII ст., даследуючы межы веры, улады і ідэнтычнасці.
In stock
Description
«Кнігі Якуба» — гістарычны раман, падзеі якога адбываюцца ў другой палове XVIII стагоддзя. Гэта падарожжа па розных краінах — ад Турцыі да Аўстрыі, але перадусім па Рэчы Паспалітай, дзе пераплятаюцца народы, рэлігіі, культуры. Гэта гісторыя харызматычнага самаабвешчанага месіі Якуба Франка, расказаная ягонымі паплечнікамі, задакументаваная ў судовых справаздачах і абсмяяная яго ворагамі.
Паводле апытання Gazeta Wyborcza, польскія чытачы прызналі гэты раман найлепшай кнігай першай чвэрці ХХІ стагоддзя. На момант з’яўлення беларускага выдання твор перакладзены на пятнаццаць моў, а колькасць яго чытачоў толькі ў Польшчы перасягнула паўмільёна. Бясспрэчна, гэта адзін з найважнейшых твораў сучаснай польскай літаратуры, які ўмацаваў пазіцыі аўтаркі сярод выбітных творцаў сусветнай літаратуры і паспрыяў прысуджэнню Вользе Такарчук Нобелеўскай літаратурнай прэміі за 2018 год.
Пфляўмбаўм, 2025. 1014 с., мяккая вокладка. Пераклад з польскай Марыны Шоды.
