Your cart is currently empty!
Shipping class: Standard
Дастаўка авіяпоштай з адсочваньнем, дзе гэта магчыма
-
Беларускі народны спеўнік: каляндарна-абрадавыя песні
Папулярнае выданне для тых, хто цікавіцца фальклорам. Спеўнік змяшчае 55 беларускіх народных песень, прымеркаваных да абрадаў каляндарнага цыкла, якія былі сабраны на працягу ХХ стагоддзя ва ўсіх рэгіёнах Беларусі.
Да кожнага твора даюцца ноты, каб можна было не толькі пазнаёміцца з тэкстам, але развучыць і выканаць песню самастойна альбо ў кампаніі.
Адрасуецца ўсім аматарам беларускага фальклору і традыцыйнай культуры.Укладальнікі – Яніна Грыневіч і Таццяна Канстанцінава, мастацкае афармленне – Кася Сырамалот.
-
Беларусь у святле сучаснай крытычнай сацыяльнай тэорыі / Уладзімір Фурс
Логвінаў, 2024. 184 с., мяккая вокладка.
У зборнік перакладаў ўвайшлі артыкулы вядомага беларускага філосафа Уладзіміра Фурса (1963–2009), апублікаваныя ім у перыяд з 2004 па 2008 г. Храналагічна тэксты былі напісаны аўтарам у кароткі часавы прамежак, і можна казаць пра адзінства іх канцэптуальнага плана/задумы. У гэтых артыкулах У. Фурс разглядае як пытанні агульнатэарэтычнай праблематыкі (сацыяльная тэорыя, сучаснасць, глабалізацыя), так і прапануе аналіз прыватных выпадкаў/кейсаў (публічная сфера, дэмакратыя, універсітэт).
У дадзеным зборніку артыкулы У. Фурса кампазіцыйна размешчаны ад больш агульнафіласофскіх разважанняў пра сацыяльную дынаміку, выпрацаванне дынамічнай канцэпцыі сацыяльнага, фармаванне рэлевантнага паняційнага апарата, ключавым канцэптам якога з’яўляецца рэгрэсіўная сацыяльнасць, да аналізу беларускага кантэксту як апрабацыі папярэдніх тэарэтычных канцэптуальных напрацовак. -
Беспрацоўнае дрэва / Света Бень і Ліна Хесэ
Гісторыя дрэва, якое вымушана пакінуць парк, дзе ўсё сваё жыццё працавала… дрэвам. Яго чакае дарога, напоўненая прыгодамі, часам цудоўнымі, часам небяспечнымі, а часам і зусім нечаканымі.
Гэта гісторыя пра тое, што кожны можа дапамагаць іншым, знайсці сяброў і сваю вартую справу. Нават калі ты пазбаўлены дому і звыклага ладу жыцця.
-
Варшава / Владимир Козлов
«Варшава» — это хроника жизни героя, чья юность совпала с распадом Советского Союза и адаптацией к новым реалиям.
Первая половина девяностых — время больших надежд и ожиданий, связанных с крушением коммунистического режима и обретением независимости. И сегодня, вспоминая события более чем тридцатилетней давности, я задаю себе вопрос: «Что пошло не так? Почему эти ожидания не оправдались?» Я надеюсь, что книга подтолкнет и читателя к рефлексии на эту тему.
Владимир Козлов -
Вершы / Альгерд Бахарэвіч
Першая паэтычная кніга беларускага празаіка.
“Верш — гэта раптоўны спохват, зь якім трэба нешта рабіць, інакш — кепска будзе. Дэтэктыў, дзе мне трэба знайсьці забойцу — ідэальную форму. Матэматычная задача для ірацыянала. Вершы я пішу колькі сябе памятаю. Я пісаў іх школьнікам, спрабуючы неяк выявіць у сваіх першых беларускіх словах індустрыйныя краявіды менскай ускраіны, шэрыя пад’езды і ўсю цеснату тагачаснага існаваньня. Я пісаў іх у «дзевяностыя», калі разам зь сябрамі-авангардыстамі марыў пра рэвалюцыю ў літаратуры і любіў злаваць старых рэтраградаў. Я пісаў іх, калі працаваў над сваімі раманамі — я ўжыўляў вершы ў «Сабак Эўропы», рэзаў імі «Белую муху» і дарыў іх «Дзецям Аліндаркі». У 2020–2021 гадах паэзія дапамагла мне выказаць тое, што балела і пякло. Жах, супраціў, надзею. У гэтай кнізе ўпершыню сабраныя вершы розных гадоў — пра сябе і пра сваё. Для ўсіх і, як і належыць вершам, — для нікога.” (А. Бахарэвіч) -
Вільня. Анталёгія беларускай паэзіі XX стагодзьдзя / Сяргей Дубавец
Ад пачатку дзён Вільня была галоўным горадам для продкаў сучасных беларусаў, цэнтрам усяго жыцьця краю, калыскай мадэрнай беларускай нацыі. Пра Вільню складаліся народныя песьні і прыказкі, пісалі паэты Сярэднявечча, Асьветніцтва і Новага часу. У гэтай анталёгіі прадстаўленыя творы пра Вільню, напісаныя ў ХХ стагодзьдзі.
Укладаньне і камэнтар Сяргея Дубаўца.
Фотаздымкі Уладзімера Парфянка і Дзяніса Раманюка.
Мастацкі рэдактар Сяргей Харэўскі.Логвінаў, 2025. Цьвёрдая вокл., 264 с.
-
Вольнеры: бясконцы дзень / Валер Гапееў
Толькі сямёра сяброў разумеюць, у якую багну ілжы абрынулася іх краіна, пад якім аўтакратычным прэсам і ў якой імгле гідкай прапаганды жывуць людзі. Гэтыя сямёра помняць: краіна некалі была іншай. І толькі сямёра ведаюць, што ў іх ёсць адзіны шанц вярнуць былую волю, былую праўду і былое шчасце. Але напачатку трэба выжыць тут, прыдумаць план і здзейсніць яго, каб трапіць у іншасвет, дзе знаходзіцца выйсце.
Ці можна перамагчы зло без парушэння тваіх маральных прынцыпаў, калі яно, зло, дзейнічае па сваіх правілах? У якіх умовах мэта ўсё ж апраўдвае сродкі? Доўгі шлях у іншасвеце прымусіць шукаць адказы на мноства пытанняў, сярод якіх будзе і надзіва простае: хіба так, як ёсць, нельга жыць і быць у гэтым трошкі шчаслівым? Нібыта ж так добра ў сістэме, дзе табе гарантаваная будучыня і няма клопату пра яе ўладкаванне і дзе ты пазбаўлены ўсякіх мітрэнгаў адносна розных пошукаў.
Там, у іншасвеце, выпрабаванні нададуць часу іншае асэнсаванне, раскрыюць характары і правераць душы герояў. На алтар перамогі будуць пакладзены сем лёсаў, але ці можна лічыць ахвярай… здраду?
-
Галоўная памылка Афанасія / Югася Каляда
У вашых руках не проста “Галоўная памылка Афанасія” Югасі Каляды, а ўгрэўныя прыгоды з незваротна растрачаных нулявых, дзе ў мета-прозе сплялося бесклапотнае студэнцтва, курортны Крым, піўныя рэкі, а таксама гігабайты кахання ў самых розных ягоных праявах, ды якое з вялікай доляй верагоднасці ‒ адно міраж. Аўтарка дзёрзка ператварае цёплыя ўспаміны ў халодную зброю, від помсты, а персанажаў – у лялек Вуду.
У кнізе “Галоўная памылка Афанасія” кахання ўвогуле няма, а яго адсутнасць і ілюзорнасць робіцца цэнтральнай тэмай. У творы пануе атмасфера пачатку абсурднага 21 стагоддзя.
Гутэнбэрг, 2025. Сэрыя “Акно ў прозу”. Мяккая вокл., 107 с.
Асобнік, падпісаны аўтаркай.
-
Гарэзлівы пацалунак. Кніга 2 / Ева Вайтоўская
У другой кнізе “Гарэзлівага пацалунку” падзеі разгортваюцца на філалагічным факультэце беларускага ўніверсітэта, у экалагічным летніку для дзяцей Чарнобыля і ў офісе сусветна вядомай беларускай IT-кампаніі. Але ўсё гэта толькі дэкарацыі, у якіх праходзяць праверку пачуцці галоўных герояў, іх сяброў, сябровак, мам і татаў.
У аснову рамана лёг сюжэт культавай японскай мангі «Ітадзура на кіс» («Гарэзлівы пацалунак»), якая выходзіла ў Японіі ў 1990-х гадах. Раман прызначаны для аўдыторыі young adult (16–25 гадоў), а таксама для ўсіх аматараў папулярнай літаратуры.